Проценката на ризик се изработува кај работодавачот за сите работни места во работната средина со анализа на веројатност.

Проценката на ризик содржи:

• општи податоци за работодавачот;
• назив на работното место и бројот на извршители на кои се однесува проценката наризикот;
• опис на технолошкиот процес и работниот процес, опис на средствата за работа и опис на средствата и опремата за лична заштита при работа;
• опис на организацијата на работа (внатрешна организација  на работата и систематизација на работните места за обавување работи  од дејноста на работодавачот);
• препознавање и утврдување на опасности и штетности на работното место и работната средина;
• нивото на ризикот;
• утврдување на начинот и мерките за отстранување, намалување или спречување на ризикот и
• заклучок.

Проценката на ризикот се заснова на следните податоци:

• опфатот на проценка на ризикот (работно место, работна средина, организациона единица и сл.)
• бројот на вработените на опфатот за кое се утврдува проценката на ризикот, според пол, возраст,  работен стаж и
• опис на технолошките постапки на сите работни единици, вклучувајќи го  и внатрешниот транспорт и одржување.

Препознавање и утврдување на опасностите и штетностите на работното место и работната средина се врши врз основа на податоците добиени од документацијата со која располага работодавачот, со набљудување и следење на работниот процес на работното место, со добивање на информации одвработените и од други извори, со дефинирање на можните опасности и штетности на кои укажуваат тие податоци.

При утврдување на опасностите и штетностите на работното место и работната средина се поаѓа од важечки стручни наоди за извршените прегледи и испитувања на средствата за работа, извршените испитувања на условите на работната средина, извештаи за извршените превентивни медицински прегледи на вработените, податоци за повреди на работа, професионални бoлести и болести во врска со работата, инспекциските наоди од извршените надзори, упатства за безбедена работа, пропишана документација за употреба и одржување, односно пакување, транспорт, користење, складирање, уништување и др.

Опасностите и штетностите можат да бидат препознаени, според нивната  природа како:

• Механички опасности, кои се јавуваат со користење односно употреба на опремата за работа,
• Опасности кои се јавуваат во врска со карактеристиките на работното место,
• Опасности кои се јавуваат со користење на електрична енергија,
• Штетности кои настануваат или се јавуваат во текот на работниот процес, како што се хемиски штетности,физички штетности, биолошки штетности, штетности кои настануваат со користење на опасни материи во производството, транспортот, пакувањето,
• Штетности кои произлегуваат од психички и психофизиолошки напори, кои се врзуваат заработното место и работите кои вработените ги обавуваат,
• Штетности врзани за организацијата на работата, штетности кои се јавуваат на работниместа.

Проценката на ризикот се заснова на анализа на веројатност на настанувањето и тежината на можната повреда на работа, оштетување на здравјето или болеста на вработениот во врска со работата на работното место и во работната средина.

Проценка на ризик се врши  со избор и примена на соодветни методи, врз основа на препознати и утврдени опасности и штетности и утврдена листа на опасности и штетности во работната средина и на секое работно место.

Проценка на ризик се врши за секоја препозната, односно утврдена опасност или штетност, со споредување со дозволените вредности согласно со прописите во областа на безбедност и здравје при работа, техничките прописи, стандарди и препораки.

При проценка на ризик за секоја препозната, односно утврдена опасност или   штетност, на работното место и во работната средина, потребно е посебно внимание да се посвети на можното оштетување на здравјето на групи работници (жени, млади работници, стари работници) и на работници кои работат на работни места со зголемен ризик или имаат посебни потреби (работници со хендикеп, работници со постоечки заболувања и сл).